நடிகர் ரஹ்மானின் குடும்ப புகைப்படம் வெளியாகி இணையத்தில் வைரலாகி வருகிறது.
தமிழ் திரையுலகில் இயக்குனர் எஸ்.ஏ.சந்திரசேகர் இயக்கத்தில் கடந்த 1986-ஆம் ஆண்டு வெளியான நிலவே மலரே படத்தின் மூலம் கதாநாயகனாக அறிமுகமானவர் ரஹ்மான். இதைத் தொடர்ந்து இவர் புதுப்புது அர்த்தங்கள் படத்தில் நடித்து பிரபலமடைந்தார். இதையடுத்து இவர் பல படங்களில் ஹீரோவாகவும், வில்லனாகவும், குணச்சித்திர கதாபாத்திரங்களிலும் நடித்து அசத்தினார். மேலும் நடிகர் ரஹ்மான் நடிப்பில் கடந்த 2016-ஆம் ஆண்டு வெளியான துருவங்கள் பதினாறு படம் ரசிகர்களிடையே நல்ல வரவேற்பை பெற்றது.
தற்போது இவர் பொன்னியின் செல்வன், துப்பறிவாளன் 2 உள்ளிட்ட பல படங்களில் பிஸியாக நடித்து வருகிறார். இந்நிலையில் நடிகர் ரஹ்மான் தனது பிறந்தநாள் கொண்டாட்ட புகைப்படத்தை தனது சமூக வலைதளப் பக்கத்தில் வெளியிட்டுள்ளார். நடிகர் ரஹ்மான் அவரது மனைவி மற்றும் இரண்டு மகள்களுடன் இருக்கும் இந்த அழகிய புகைப்படம் தற்போது இணையத்தில் வைரலாகி வருகிறது.