இயக்குனர் அஜய்ஞானமுத்து இயக்கத்தில் நடிகர் விக்ரம் கதையின் நாயகன் ஆக நடித்துள்ள திரைப்படம் கோப்ரா ஆகும். இந்த படத்தின் கதாநாயகியாக ஸ்ரீநிதி ஷெட்டி நடித்தார். அத்துடன் கிரிக்கெட் வீரர் இர்பான் பதான், கே.எஸ்.ரவிக்குமார், ஆனந்த்ராஜ், ரோபோ சங்கர், மீனாட்சி கோவிந்தராஜன், மிருணாளினி ரவி, ரோஷன் மேத்யூ போன்றோர் முக்கியமான கதாபாத்திரங்களில் நடித்து இருந்தனர்.
ஏ.ஆர்.ரஹ்மான் இசையமைத்திருந்த இப்படத்தை செவன் ஸ்கிரீன் ஸ்டூடியோ பட நிறுவனம் சார்பாக எஸ் லலித்குமார் தயாரித்து இருந்தார். இத்திரைப்படம் ஆகஸ்ட் 31ம் தேதி திரையரங்குகளில் வெளியாகியது. இந்த நிலையில் கோப்ரா படத்தின் ஓடிடி ரிலீஸ் குறித்த தகவல் வெளியாகி இருக்கிறது. அந்த வகையில் கோப்ரா படம் வருகிற 23 ம் தேதி சோனி லைவ் ஓடிடி தளத்தில் வெளியாகும் என்று தகவல் வெளியாகி இருக்கிறது.