நடிகர் விஜய் நடிப்பில் உருவாகி வரும் தளபதி 65 படம் குறித்த தகவல் இணையத்தில் கசிந்துள்ளது .
தமிழ் திரையுலகில் நட்சத்திர நாயகனாக வலம் வரும் விஜய்யின் 65வது படத்தை இயக்குனர் நெல்சன் திலீப்குமார் இயக்குகிறார். இந்த படத்தில் பூஜா ஹெக்டே கதாநாயகியாக நடிக்கிறார். மேலும் அபர்ணா தாஸ், விடிவி கணேஷ் உள்ளிட்ட பலர் முக்கிய கதாபாத்திரத்தில் நடிக்கின்றனர். சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார். சமீபத்தில் தளபதி 65 படத்தின் படப்பிடிப்பு ஜார்ஜியாவில் நடைபெற்றது.
இந்நிலையில் ஜார்ஜியாவில் படமாக்கப்பட்ட காட்சிகள் குறித்த தகவல் இணையத்தில் கசிந்துள்ளது. அதன் படி நடிகர் விஜய் தீவிரவாதிகளுடன் மோதும் காட்சியும், ஒரு டூயட் பாடல் காட்சியும் ஜார்ஜியாவில் படமாக்கப்பட்டுள்ளதாக கூறப்படுகிறது. இதனால் இந்த படம் ஒரு அதிரடி ஆக்சன் படமாக இருக்கும் என எதிர்பார்க்கப்படுகிறது.