நடிகர் விஜயின் பீஸ்ட் திரைப்படத்தை பார்க்க வந்த ரசிகர்கள் மீது தாக்குதல் நடந்த சம்பவம் பெரும் பரபரப்பை ஏற்படுத்தியுள்ளது.
பிரபல நடிகர் விஜய் நடித்துள்ள பீஸ்ட் திரைப்படம் நேற்று திரையரங்குகளில் வெளியிடப்பட்டது. இந்த திரைப்படத்தில் விஜய்க்கு ஜோடியாக நடிகை பூஜா ஹெக்டே நடித்துள்ளார். இந்த படத்தை நெல்சன் இயக்கியுள்ளார். இந்நிலையில் சிதம்பரம் அருகே வடுகநாதன் பகுதியிலிருக்கும் திரையரங்கில் பீஸ்ட் திரைப்படம் வெளியானது. இந்தப் படத்தைப் பார்ப்பதற்காக ஏராளமான ரசிகர்கள் தியேட்டரில் குவிந்தனர்.
இந்தப் படத்தை பார்ப்பதற்காக நெய்வேலி பகுதியைச் சேர்ந்த 8 வாலிபர்கள் வந்துள்ளனர். இவர்கள் மது போதையில் வந்ததால் தியேட்டர் ஊழியர்கள் வாலிபர்களை தடுத்துள்ளனர். இதனால் தியேட்டர் உரிமையாளர்களுக்கும், வாலிபர்களுக்கும் இடையே மோதல் ஏற்பட்டுள்ளது. இந்த மோதலில் ரசிகர்களுக்கு காயங்கள் ஏற்பட்டுள்ளது. இந்த சம்பவத்தால் அப்பகுதியில் பெரும் பரபரப்பு ஏற்பட்டுள்ளது.