பிரபல இயக்குனர் ஒருவர் நடிகர் விஜயுடன் சிறுவயதில் எடுத்துக்கொண்ட புகைப்படம் வெளியாகியுள்ளது.
தமிழ் திரையுலகில் முன்னணி கதாநாயகனாக வலம் வரும் விஜய் நடிப்பில் வெளியாகி வெற்றி பெற்ற திரைப்படம் மாஸ்டர். இயக்குனர் லோகேஷ் கனகராஜ் இயக்கத்தில் உருவான இந்த படத்தில் விஜய் சேதுபதி, மாளவிகா மோகனன் உள்ளிட்ட பலர் முக்கிய கதாபாத்திரத்தில் நடித்திருந்தனர். இதைத் தொடர்ந்து நடிகர் விஜயின் 65வது படத்தை இயக்குனர் நெல்சன் இயக்கவுள்ளார் . விரைவில் இந்த படத்தின் படப்பிடிப்பு தொடங்க உள்ளதாக கூறப்படுகிறது.
இந்நிலையில் பிரபல இயக்குனர் ரத்னகுமார் சிறுவயதில் நடிகர் விஜய்யுடன் எடுத்துக்கொண்ட புகைப்படம் ஒன்று வெளியாகியுள்ளது. இவர் மேயாதமான், ஆடை உள்ளிட்ட படங்களை இயக்கியுள்ளார். மேலும் இவர் மாஸ்டர் படத்தில் திரைக்கதை எழுத்தாளராக பணிபுரிந்துள்ளார் என்பது குறிப்பிடத்தக்கது. விஜய்யின் தீவிர ரசிகரான ரத்னகுமார் சிறு வயதில் தளபதியுடன் எடுத்துக்கொண்ட இந்த புகைப்படம் தற்போது இணையத்தில் வைரலாகி வருகிறது.