தமிழ் சினிமாவில் உச்ச நட்சத்திரமாக ஜொலிக்கும் தளபதி விஜய் நடிப்பில் சமீபத்தில் வெளியான பீஸ்ட் திரைப்படம் கலவையான விமர்சனங்களை பெற்றாலும் வசூல் ரீதியாக வெற்றி பெற்றது. இந்த படத்திற்கு பிறகு விஜய் வம்சி இயக்கத்தில் வாரிசு என்ற திரைப்படத்தில் நடித்து வருகிறார். இந்த படத்தில் நடிகை ரஷ்மிகா மந்தனா ஹீரோயின் ஆக நடிக்க, குஷ்பூ, யோகி பாபு, சரத்குமார், ஷாம், பிரகாஷ் ராஜ் மற்றும் யோகி பாபு உள்ளிட்டோர் முக்கிய வேடங்களில் நடிக்கின்றனர்.
இந்த படத்தின் படப்பிடிப்பு ஹைதராபாத் மற்றும் சென்னையில் விறுவிறுப்பாக நடைபெற்றுக் கொண்டிருக்கிறது. இந்நிலையில் இயக்குனர் லோகேஷ் கனகராஜ் விஜய்யின் அடுத்த படமான தளபதி 67 திரைப்படத்தை இயக்க இருக்கிறார். இந்த படத்தின் புதிய தகவல் தற்போது வெளியாகியுள்ளது. அதாவது தளபதி 67 திரைப்படத்தில் யோகி பாபு காமெடி நடிகராக நடிக்க இருக்கிறாராம். மேலும் யோகி பாபு நடிப்பது உறுதியானால் தளபதியுடன் இணையும் 6-வது படமாக இருக்கும் என்பது குறிப்பிடத்தக்கதாகும்.