வம்சி இயக்கத்தில் நடிகர் விஜய் நடித்துவரும் “வாரிசு” படம் தமிழ், தெலுங்கு ஆகிய மொழிகளில் நேரடியாக வெளியாக இருக்கிறது. இந்த படத்தில் விஜய்க்கு ஜோடியாக நடிகை ராஷ்மிகா மந்தனா நடித்து வருகிறார். அத்துடன் பிரகாஷ்ராஜ், சரத்குமார், குஷ்பூ, ஷாம், யோகி பாபு உட்பட பலர் முக்கியமான கதாபாத்திரத்தில் நடிக்கின்றனர். இந்த படத்தின் படப்பிடிப்பு மும்முரமாக நடந்து வருகிறது. அடுத்தமாத இறுதிக்குள் இதன் முழுபடப்பிடிப்பும் முடிவடைந்துவிடும் என்று கூறப்படுகிறது. அதுமட்டுமின்றி இந்த படத்தின் முதல் சிங்கிள் விரைவில் வெளியாகும் என்று எதிர்பார்க்கப்படுகிறது.
இந்த திரைப்படத்தின் இறுதிக்கட்ட படப்பிடிப்பு இன்று துவங்குவதாக படக்குழு அறிவித்து உள்ளது. இத்தகவலை படத்தயாரிப்பு நிறுவனமான ஸ்ரீ வெங்கடேஸ்வரா கிரியேஷன்ஸ், தன் அதிகாரப்பூர்வ டுவிட்டர் பக்கத்தில் பகிர்ந்துள்ளது. அவற்றில் இன்னும் 2 பாடல்களும், 2 சண்டை காட்சிகளும் மட்டுமே படமாக்க வேண்டி இருப்பதாக தெரிவிக்கப்பட்டு உள்ளது. அதேபோன்று ஏற்கனவே அறிவித்தபடி வாரிசு படம் 2023 பொங்கலுக்கு ரிலீசாகும் என்பதையும் படத் தயாரிப்பு நிறுவனம் உறுதிசெய்துள்ளது.