நடிகர் விஜயின் தந்தை என்ற சென்னையில் புதிய கட்சி தொடங்க இருப்பதாக தகவல் வெளியாகியுள்ளது.
தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்க்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது. இதற்கு மத்தியில் கூட்டணி குறித்த குழப்பம் நிலவி வருகிறது.
அதுமட்டுமன்றி தங்கள் ஆட்சி தமிழகத்தில் அமைத்தால் மக்களுக்கு பல்வேறு நலத்திட்டங்களை செய்து தருவதாக வாக்குறுதி அளிக்கப்பட்டு வருகின்றன. அதன்படி கடந்த சில நாட்களாகவே அதிமுக பல்வேறு நலத் திட்டங்களை மக்களுக்கு தொடர்ந்து செய்து வருகிறது. மேலும் மக்களை கவரும் அதிரடி அறிவிப்புகளை வெளியிட்டு வருகிறது. இதனை அடுத்து ஒவ்வொரு கட்சியினரும் கூட்டணி மற்றும் தொகுதி பங்கீடு பற்றி தீவிர ஆலோசனை நடத்தி வருகின்றனர்.
இந்நிலையில் நடிகர் விஜயின் தந்தை சந்திரசேகர் இன்று சென்னையில் புதிய கட்சி தொடங்க இருப்பதாக அவரது நெருங்கிய வட்டாரங்களில் இருந்து தகவல் வெளியாகியுள்ளது. கட்சியின் பெயர் காமராஜர் அண்ணா மக்கள் இயக்கம் எனவும் கூறப்படுகிறது. நடிகர் விஜய் எதிர்ப்பு தெரிவிக்காமல் இருக்க விஜய்யின் பெயர் கட்சி பெயர் இல்லை என கூறப்படுகிறது. இதனால் அரசியல் வட்டாரத்தில் சற்று பரபரப்பு ஏற்பட்டுள்ளது.