நடிகை சமந்தா நடிப்பில் தமிழ், இந்தி, மலையாளம், கன்னடம் ஆகிய மொழிகளில் வெளியாகவுள்ள படம் “சாகுந்தலம்” ஆகும். சமந்தாவுடன் இணைந்து தேவ்மோகன், அதிதி பாலன், அனன்யா நாகள்ளா, பிரகாஷ்ராஜ், மோகன் பாபு, கபீர் பேடி, மதுபாலா ஆகிய பல முன்னணி நடிகர்கள் இப்படத்தில் நடித்து இருக்கின்றனர். சாய் மாதவ் வசனங்கள் எழுத, குணசேகர் இப்படத்தை எழுதி இயக்கி இருக்கிறார். நீலிமா குணாவும், தில்ராஜுவும் இணைந்து இத்திரைப்படத்தை தயாரித்துள்ளனர். காளிதாசன் எழுதிய சாகுந்தலத்தை தழுவி இந்த திரைப்படம் எடுக்கப்பட்டு இருக்கிறது.
சாகுந்தலையாக சமந்தா நடித்து உள்ள இந்த படத்தின் பர்ஸ்ட்லுக் போஸ்டரை படக்குழு வெளியிட்டது. அனைவரின் கவனத்தை பெற்ற இப்படத்தின் போஸ்டர் சமூகவலைத்தளத்தில் வைரலாகியது. இந்நிலையில் சாகுந்தலம் திரைப்படத்தின் மோஷன் போஸ்டர் மற்றும் ரிலீஸ் தேதியை படக்குழுவானது அறிவித்து உள்ளது. அந்த வகையில் இப்படம் படம் வரும் நவம்பர் 4-ஆம் தேதி தமிழ், தெலுங்கு, மலையாளம், கன்னடம், இந்தி ஆகிய 5 மொழிகளில் வெளியாக இருப்பதாக அறிவிக்கப்பட்டுள்ளது. தற்போது ரசிகர்கள் படத்தின் மோஷன் போஸ்டரை சமூகவலைத்தளத்தில் வைரலாக்கி வருகின்றனர்.