நடிகை சினேகா தனது சகோதரர்களுடன் எடுத்துக் கொண்ட புகைப்படத்தை தனது சமூக வலைதளப் பக்கத்தில் வெளியிட்டுள்ளார்.
தமிழ் திரையுலகில் நடிகை சினேகா கடந்த 2000-ஆம் ஆண்டு வெளியான என்னவளே படத்தின் மூலம் கதாநாயகியாக அறிமுகமானார். இதை தொடர்ந்து இவர் விஜய், சூர்யா போன்ற பல டாப் ஹீரோக்களுடன் இணைந்து நடித்து அசத்தியிருந்தார். இதன்பின் நடிகர் பிரசன்னாவை திருமணம் செய்து கொண்ட சினேகா சினிமாவில் பெரிதாக ஆர்வம் காட்டவில்லை. இதையடுத்து இவர் வேலைக்காரன், பட்டாஸ் உள்ளிட்ட சில படங்களில் முக்கிய கதாபாத்திரங்களில் நடித்தார்.
தற்போது இவர் துல்கர் சல்மான், கல்யாணி பிரியதர்ஷன் நடிப்பில் உருவாகி வரும் வான் படத்தில் நடித்து வருகிறார். இந்நிலையில் சகோதரர் தினத்தை முன்னிட்டு நடிகை சினேகா தனது சகோதரர்கள் பாலாஜி நாயுடு, கோவிந்த் நாயுடு ஆகியோருடன் எடுத்துக் கொண்ட புகைப்படத்தை தனது சமூக வலைதளப் பக்கத்தில் வெளியிட்டுள்ளார். மேலும் அதில் சினேகாவின் குழந்தைகள் புகைப்படமும் உள்ளது என்பது குறிப்பிடத்தக்கது. தற்போது இந்த புகைப்படம் இணையத்தில் வைரலாகி வருகிறது.