இந்திய சினிமாவின் பிரபல கதாநாயகிகளில் ஒருவரான டாப்ஸி தமிழ், தெலுங்கு, ஹிந்தி உள்பட பல்வேறு மொழி திரைப்படங்களில் நடித்து வருகிறார். முன்னதாக தெலுங்கில் டாப்ஸி நடித்துள்ள மிஷன் இம்பாஸிபிள் படத்தின் படப்பிடிப்பு முடிந்து, இறுதிகட்ட பணிகள் நடந்து வருகிறது.
இதையடுத்து பாலிவுட்டில் லூப் லப்பேட்டா, தோபாரா உள்ளிட்ட படங்களில் நடித்துள்ள டாப்ஸி, ஹாரர் த்ரில்லர் திரைப்படமாக ஹிந்தியில் தயாராகும் பிளர் திரைப்படத்தில் கதாநாயகியாக நடிப்பதோடு மட்டுமல்லாமல், தயாரிப்பாளராகவும் களமிறங்கியுள்ளார். மேலும் தமிழில் ஜன கண மன மற்றும் ஏலியன் உள்ளிட்ட படங்களிலும் நடித்து வருகிறார்.
தொடர்ந்து இந்திய மகளிர் கிரிக்கெட் அணியின் கேப்டனான மிதாலிராஜ் படமாக தயாராகியுள்ள சபாஷ் மித்து படத்தின் மிதாலிராஜ் கதாபாத்திரத்தில் டாப்ஸி நடித்துள்ளார். மேலும் வயாகாம்18 ஸ்டூடியோஸ் தயாரிப்பில் ஸ்ரீஜித் முகர்ஜி இயக்கியுள்ள இப்படத்திற்கு அமித் திரிவேதி இசையமைத்துள்ளார்.
சிர்ஷா ரே ஒளிப்பதிவு செய்துள்ள சபாஷ் மித்து படத்தின் படப்பிடிப்பு முடிவடைந்து இறுதி கட்ட பணிகள் இப்போது நடைபெற்று கொண்டிருக்கிறது. இந்தப் படம் அடுத்த வருடம் பிப்ரவரி மாதம் 4- ஆம் தேதி அன்று உலகமெங்கும் திரையரங்குகளில் வெளியாகும் என்றும், இத்தாலி ராஜன் நாளான இன்று அதிகாரப்பூர்வமாக அறிவிக்கப்பட்டுள்ளது.