நடிகை டாப்ஸி அடுத்ததாக மிஷன் இம்பாசிபிள் என்ற தெலுங்கு படத்தில் நடிக்க ஒப்பந்தமாகியுள்ளார்.
தமிழ் திரையுலகில் வெற்றிமாறன் இயக்கத்தில் தனுஷ் நடிப்பில் வெளியான ஆடுகளம் படத்தின் மூலம் கதாநாயகியாக அறிமுகமானவர் டாப்ஸி. இதையடுத்து இவர் வந்தான் வென்றான், ஆரம்பம், காஞ்சனா-2 உள்ளிட்ட படங்களில் நடித்திருந்தார். தற்போது இவர் ஜெயம் ரவியின் ஜன கண மன படத்தில் நடித்து வருகிறார். நடிகை டாப்ஸி தமிழில் மட்டுமல்லாது ஹிந்தி, தெலுங்கு மொழி திரைப்படங்களிலும் நடித்து அசத்தி வருகிறார்.
மேலும் சமீபத்தில் ஓடிடியில் வெளியான டாப்ஸியின் ‘ஹஸீன் தில்ரூபா’ திரைப்படம் ரசிகர்களிடையே நல்ல வரவேற்பை பெற்றது. இந்நிலையில் டாப்ஸி அடுத்ததாக ‘மிஷன் இம்பாசிபிள்’ என்ற தெலுங்கு படத்தில் நடிக்க ஒப்பந்தமாகியுள்ளார். திரில்லர் கதையம்சம் கொண்ட இந்த படத்தை இயக்குனர் ஸ்வரூப் இயக்க இருக்கிறார். இந்த படம் தமிழ், ஹிந்தி ஆகிய மொழிகளில் டப் செய்யப்பட்டு வெளியாகவுள்ளது. விரைவில் இந்த படத்தின் படப்பிடிப்பு தொடங்கப்பட உள்ளது.