ஐக்கிய அமீரகம் இந்தியாவின் திரைத் துறையைச் சேர்ந்த பல பேருக்கு கோல்டன் விசா வழங்கி கௌரவித்து வருகின்றனர். அந்த வகையில் பாலிவுட் நடிகர்கள் சஞ்சய் தத், ஷாருக்கான், துஷார் கபூர், ஊர்வசி ரவுதலா உள்பட பலர் இந்த விசாவை பெற்றுள்ளனர். அதனை தொடர்ந்து, தென்னிந்தியாவைச் சேர்ந்த மம்மூட்டி, மோகன்லால், பிருத்விராஜ், துல்கர் சல்மான், பார்த்திபன், மீரா ஜாஸ்மின், த்ரிஷா, அமலாபால், லட்சுமி ராய், காஜல் அகர்வால், பிரணிதா, ஆண்ட்ரியா உட்பட பல பேருக்கு இந்த கோல்டன் விசா வழங்கப்பட்டு இருக்கிறது.
அண்மையில் நடிகர் விஜய் சேதுபதி, மீனா, வெங்கட்பிரபு, சரத்குமார், கமல்ஹாசன் போன்றோர் இந்த விசாவை பெற்றிருந்தனர். இந்த நிலையில் மலையாள திரை உலகின் முன்னணி நடிகையும், தமிழில் தீபாவளி, ஆர்யா, வெயில், ஜெயம் கொண்டான், அசல் உள்ளிட்ட பல திரைப்படங்களில் நடித்து பிரபலமடைந்த பாவனாவுக்கு ஐக்கிய அமீரகமானது கோல்டன்விசா வழங்கி கௌரவித்துள்ளது. இது தொடர்பான புகைப்படங்கள் இணையத்தில் வைலாகி வருகிறது.