நடிகை ரிச்சாவுக்கு கடந்த மே 27-ம் தேதி ஆண் குழந்தை பிறந்துள்ளது.
தமிழ் திரையுலகில் இயக்குனர் செல்வராகவன் இயக்கத்தில் தனுஷ் நடிப்பில் கடந்த 2011-ஆம் ஆண்டு வெளியான மயக்கம் என்ன படத்தின் மூலம் கதாநாயகியாக அறிமுகமானவர் ரிச்சா. இதை தொடர்ந்து இவர் நடிகர் சிம்புவுக்கு ஜோடியாக ஒஸ்தி படத்தில் நடித்திருந்தார். இதன்பின் நடிகை ரிச்சா தனது பள்ளி கால நண்பரான ஜோ லங்கேலாவை திருமணம் செய்து கொண்டார். கடந்த சில மாதங்களுக்கு முன் நடிகை ரிச்சா கர்ப்பமாக இருப்பதாக தனது சமூக வலைதளப் பக்கத்தில் தெரிவித்திருந்தார்.
இந்நிலையில் கடந்த மே 27-ஆம் தேதி நடிகை ரிச்சாவுக்கு ஆண் குழந்தை பிறந்துள்ளது. மேலும் குழந்தையின் புகைப்படத்தை நடிகை ரிச்சா தனது சமூக வலைதளப் பக்கத்தில் வெளியிட்டுள்ளார். இதையடுத்து அவருக்கு ரசிகர்கள் வாழ்த்துக்கள் தெரிவித்து வருகின்றன.