நடுரோட்டில் ஒருவர் பிணமாக கிடந்த சம்பவம் பரபரப்பை ஏற்படுத்தியுள்ளது.
கள்ளக்குறிச்சி மாவட்டத்தில் உள்ள மூங்கில்துறைப்பட்டு அருகே ரங்கப்பனுர் சாலையில் 40 வயது மதிக்கத்தக்க ஆண் ஒருவர் சடலமாக கிடந்துள்ளார். இவருடைய சடலத்தின் அருகில் விஷ பாட்டில் கிடந்தது. இதைப்பார்த்து அதிர்ச்சியடைந்த பொதுமக்கள் வடபொன்பரப்பி காவல்துறைக்கு தகவல் தெரிவித்தனர்.
அந்த தகவலின்படி சம்பவ இடத்திற்கு விரைந்து வந்த காவல்துறையினர் சாலையில் கிடந்த உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். மேலும் இதுகுறித்து வழக்குப்பதிவு செய்த காவல்துறையினர் நடத்திய விசாரணையில் அரசம்பட்டு பகுதியைச் சேர்ந்த சம்பத் என்பவர் தெரியவந்தது. இவர் விவசாயம் செய்து வந்துள்ளார் என்பது முதற்கட்ட விசாரணையில் தெரியவந்துள்ளது.