வேன் மோதிய விபத்தில் பெண் உயிரிழந்த சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்தில் உள்ள சாலைநயினார் பள்ளிவாசல் நகரில் ஆட்டோ ஓட்டுநரான சுகுமார் என்பவர் வசித்து வருகிறார். இவருக்கு செல்வி என்ற மனைவி இருந்துள்ளார். இந்நிலையில் செல்வி களக்காடு சாலையில் நடைப்பயிற்சி செய்து கொண்டிருந்தார். அப்போது அவ்வழியாக வந்த வேன் திடீரென செல்வியின் மீது பலமாக மோதியது. இந்த விபத்தில் படுகாயமடைந்த செல்வி சம்பவ இடத்திலேயே பரிதாபமாக உயிரிழந்துவிட்டார்.
இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று செல்வியின் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் வேன் ஓட்டுனரான சதீஷ் குமாரை கைது செய்து தீவிர விசாரணை மேற்கொண்டு வருகின்றனர்.