தமிழ் சினிமாவில் அட்டகத்தி படம் மூலம் இயக்குனராக அறிமுகமானவர் பா.ரஞ்சித். இவர் மெட்ராஸ், கபாலி, காலா, சார்பட்டா பரம்பரை என அடுத்தடுத்த ஹிட் படங்களை கொடுத்து முன்னாடி இயக்குனராக உயர்ந்துள்ளார். இவர் தற்போது “நட்சத்திரம் நகர்கிறது” என்ற படத்தை இயக்க உள்ளதாக அறிவிப்பு வெளியானது. இந்த படம் முழுக்க முழுக்க காதல் கதையம்சம் கொண்ட படமாக தயாராகி வருகிறது. இப்படத்தை காளிதாஸ் ஜெயராம் மற்றும் துஷாரா விஜயன் முன்னணி கதாபாத்திரங்களில் நடித்துள்ளனர். மேலும் கலையரசரன், ஹரி கிருஷ்ணன், ஷபீர் உள்ளிட்டோர் நடித்துள்ளனர்.
அதனைத் தொடர்ந்து இப்படத்தை நீலம் ப்ரொடக்ஷன் மற்றும் யாழினி பிலிம்ஸ் இணைந்து தயாரிக்கிறது. சமீபத்தில் இப்படத்தின் ஃப்ர்ஸ்ட் லுக் போஸ்டர் வெளியாகி நல்லா வரவேற்பை பெற்று உள்ளது. இந்நிலையில் இப்படத்தின் புதிய அப்டேட் வெளியாகி உள்ளது. அதன்படி நட்சத்திர நகருகிறது திரைப்படத்தின் கதாபாத்திரங்களை வித்தியாசமான முறையில் வீடியோ ஒன்றை படக்குழு வெளியிட்டுள்ளது. இந்த வீடியோ ரசிகர்கள் மத்தியில் அதிக வரவேற்பை பெற்று வருகிறது.