வாலிபர் ரயிலில் இருந்து தவறி விழுந்து உயிரிழந்த சம்பவம் சோகத்தை ஏற்படுத்தியுள்ளது.
திருவள்ளூர் மாவட்டத்தில் உள்ள ஊத்துக்கோட்டையில் ராஜ்குமார்(30) என்பவர் வசித்து வந்துள்ளார். இவர் தனது நண்பர்களுடன் சென்னையில் இருந்து மன்னார்குடி எக்ஸ்பிரஸ் ரயிலில் சென்று கொண்டிருந்தார். இந்நிலையில் ஒலக்கூர் அருகே சென்று கொண்டிருந்த போது ராஜ்குமார் எதிர்பாராதவிதமாக ரயிலில் இருந்து கீழே தவறி விழுந்துவிட்டார்.
இதனை பார்த்து அதிர்ச்சி அடைந்த அவரது நண்பர்கள் ரயிலை நிறுத்தி உடனடியாக அவரை மீட்டு மருத்துவமனைக்கு சிகிச்சைக்காக அனுப்பி வைத்தனர். ஆனால் அங்கு அளிக்கப்பட்ட சிகிச்சை பலனின்றி ராஜ்குமார் பரிதாபமாக இறந்துவிட்டார். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.