வாகனங்களில் நம்பர் பிளேட்டுகள் ,எழுத்துக்கள் எவ்வாறு இருக்க வேண்டும் என போக்குவரத்து காவல்துறையினர் அறிவுறுத்தியுள்ளனர்
சென்னை நகர போக்குவரத்து காவல்துறையினர் நேற்று வெளியிட்ட அறிக்கையில் கூறியிருப்பதாவது, சென்னை நகரில் பயன்படுத்தப்பட்டு வரும் வாகனங்களில் நம்பர் பிளேட்டுகளும் , எழுத்துக்களும் அரசு வகுத்துள்ள விதிமுறைபடி இல்லை.
அனைத்து தனியார் வாகனங்களிலும் நம்பர் பிளேட் வெள்ளை நிறத்திலும், எழுத்துக்கள் கருப்பு நிறத்திலும் எழுதப்பட்டிருக்க வேண்டும்.
வர்த்தக வாகனங்களில் மஞ்சள் நிற பிளேட் , எழுத்து கருப்பு நிறத்திலும் எழுதப்பட்டிருக்க வேண்டும் .
70 சி.சி.க்கு குறைவான என்ஜின் கொண்ட இரு சக்கர வாகனங்களில் முன் எழுத்துக்கள் 15 மி.மீ உயரத்திலும், 2.5 மி.மீ இருக்க வேண்டும்.
இருசக்கர வாகனம் அனைத்திலும் பின் எழுத்துக்களின் உயரம் 35 மி.மீ, தடிமன் 7 மி.மீ, இடைவெளி 5 மி.மீ எழுதப்பட்டிருக்க வேண்டும்.
500 சி.சி.க்கு எஞ்சின் திறன் கொண்ட மூன்று சக்கர வாகனங்களில் முன்பின் எழுத்துக்கள் 35 மி.மீ உயரத்திலும் , 7 மி.மீ தடிமன் மற்றும் 5 மி.மீ இடைவெளியிலும் எழுதப்பட்டிருக்க வேண்டும்.
500 சி.சி.க்கு அதிகமான எஞ்சின் திறன் கொண்ட மூன்று சக்கர வாகனங்களில் முன் பின் நம்பர் பிளேட்டுகளில் உள்ள எழுத்து 40 மி.மீ உயரத்திலும், 7 மி.மீ தடிமன், இடைவெளி 5 மி.மீ அமைய வேண்டும்.
இதர மோட்டார் வாகனங்களுக்கு முன்பின் நம்பர் பிளேட்டுகளில் எழுத்துக்கள் 65 மி.மீ உயரத்திலும், தடிமன் 10 மி.மீ, இடைவெளி 10 மி.மீ இருக்க வேண்டும்.
பின்னர் 2019 ஏப்ரல் 1 தேதிக்கு பின் புதிதாக பதிவு செய்யப்பட்ட வாகனங்கள் அனைத்திலும் உயர்பாதுகாப்பு நம்பர் பிளேட்டுகள் பொருத்தப்பட்டிருக்க வேண்டும். மேற்குறிப்பிட்ட விதிமுறைகளை பின்பற்றாதவர்களின் மீது உரிய நடவடிக்கை எடுக்கப்படும் என அறிக்கையில் கூறப்பட்டுள்ளது.