திருநெல்வேலி மாவட்டத்திலுள்ள வள்ளியூர் ரயில் நிலையம் அருகே இருக்கும் தண்டவாளத்தில் வாலிபர் சடலமாக கிடந்ததை பார்த்த பொதுமக்கள் போலீசாருக்கு தகவல் தெரிவித்தனர். அதன்படி சம்பவ இடத்திற்கு விரைந்து சென்ற போலீசார் வாலிபரின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இதுகுறித்து வழக்கு பதிந்த போலீசார் சம்பவம் நடந்த இடத்தில் கிடந்த ஆதார் கார்டு மூலம் விசாரணை நடத்தினர்.
அந்த விசாரணையில் அவர் ராதாபுரம் தெற்கு தெருவில் வசித்த கூலித் தொழிலாளியான முருகன் என்பது தெரியவந்தது. இவர் கடந்த 2 நாட்களுக்கு முன் பேஸ்புக் பக்கத்தில் குடும்பத்துடன் தான் எடுத்த புகைப்படத்தை பதிவிட்டுள்ளார். மேலும் அதில் நம்பிக்கை துரோகிகள் என குறிப்பிட்டுள்ளார். அதன் பிறகு நெல்லை- நாகர்கோவில் முன் பாய்ந்து முருகன் தற்கொலை செய்தது தெரியவந்தது. எனவே குடும்ப பிரச்சனையில் அவர் தற்கொலை செய்து கொண்டாரா? என்ற கோணத்தில் போலீசார் விசாரணை நடத்தி வருகின்றனர்.