கே.வி.குப்பத்தில் நம்ம ஊரு சூப்பரு திட்ட விளக்கக் கூட்டம் நடைபெற்றது.
வேலூர் மாவட்டத்தில் உள்ள கே.வி.குப்பம் வட்டார வளர்ச்சி அலுவலகத்தில் நம்ம ஊரு சூப்பர் திட்ட விளக்க கூட்டம் நடந்தது. இக்கூட்டத்திற்கு மாவட்ட ஊரக வளர்ச்சி முகமை திட்ட செயற்பொறியாளர் செந்தில் முன்னிலை வகித்து நிகழ்ச்சியை தொடங்கி வைத்தார். பின் வட்டார வளர்ச்சி அலுவலர்கள் திட்ட விளக்க உரையாற்றினார்கள்.
மேலும் இக்கூட்டத்தில் ஊராட்சி மன்ற தலைவர்கள், ஊராட்சி செயலாளர்கள், ஒன்றிய குழு உறுப்பினர்கள் ஆகியோர் பங்கேற்றார்கள். இக்கூட்டத்தில் சுற்றுச்சூழலை தூய்மையாக எப்படி வைத்துக் கொள்வது?, சுகாதார கழிவு மேலாண்மை ஒட்டுமொத்த தூய்மை பூங்காக்கள், வழிபாட்டுத் தலங்கள் உள்ளிட்டவற்றை தூய்மையாக எப்படி வைத்துக் கொள்வது என்பது பற்றி வழிமுறைகள் எடுத்துக் கூறப்பட்டது.