நயன்தாரா நடிப்பில் ஓடிடியில் வெளியாகியுள்ள O2 திரைப்படம் கலவையான விமர்சனங்களை பெற்று வருகின்றது.
தமிழ் சினிமா உலகில் முன்னணி நடிகையாக வலம் வருகின்றார் நயன்தாரா. அனைத்து முன்னணி நடிகர்களுடன் இணைந்து நடித்து வெற்றி திரைப்படங்களை தந்துள்ளார். இவர் தற்பொழுது ஹீரோயினுக்கு முக்கியத்துவம் தரும் திரைப் படங்களை தேர்ந்தெடுத்து நடித்து வருகின்றார். இந்த நிலையில் ட்ரீம் வாரியர் பிக்சர்ஸ் நிறுவனம் தயாரிப்பில் நயன்தாரா நடித்துள்ள O2 திரைப்படமானது டிஸ்னி பிளஸ் ஹாட்ஸ்டார் ஓடிடியில் வெளியாகி இருக்கிறது.
இத்திரைப்படத்தை அறிமுக இயக்குனர் விக்னேஷ் இயக்கி இருக்கின்றார். கோவையிலிருந்து கொச்சி செல்லும் பேருந்து எதிர்பாராதவிதமாக நிலச்சரிவில் சிக்கி மண்ணுக்கடியில் புதைந்து விடுகின்றது. அதில் உள்ள 11 நபர்கள் தப்பித்தார்களா? இல்லையா? என்பதே படத்தின் கதையாகும். இத்திரைப்படம் வெளியாகி தற்பொழுது கலவையான விமர்சனங்களை பெற்று வருகின்றது.