நடிகை நயன்தாரா-விக்னேஷ்சிவன் திருமணம் முடிந்த 4 மாதத்தில் இரட்டை குழந்தை பிறந்து இருப்பதாக அறிவித்தது பெரும் பரபரப்பை ஏற்படுத்தியது. திருமணத்திற்கு முன்னதாகவே கர்ப்பமாக இருந்திருப்பாரோ என்று யூகம் எழுந்த நிலையில், வாடகைத் தாய் வாயிலாக குழந்தை பெற்றுக்கொண்டதாக தகவல் வெளியானது. எனினும் வாடகைத்தாய் வாயிலாக நினைத்ததும் யாரும் குழந்தை பெற்றுக்கொள்ள முடியாது. ஏனெனில் அதற்கு பல்வேறு விதிமுறைகள் இருக்கிறது. அவ்விதிகள் மீறப்பட்டால் சம்பந்தப்பட்டவர்களுக்கு 5 வருடம் ஜெயில் தண்டனை வரை கிடைக்க வாய்ப்புண்டு.
மேலும் சம்மந்தப்பட்ட மருத்துவமனை மீதும் நடவடிக்கை மேற்கொள்ளப்படும். இது தொடர்பாக விசாரணை மேற்கொண்டு அறிக்கை தாக்கல் செய்யும்படி மருத்துவபணிகள் துறை இயக்குனருக்கு மக்கள் நல்வாழ்வுத்துறை அமைச்சர் மா.சுப்பிரமணியன் உத்தரவுபிறப்பித்தார். இதையடுத்து ஒரு வாரத்தில் விசாரணை மேற்கொண்டு அறிக்கை அளிக்கப்படும் என கூறப்பட்டது. இதுகுறித்து அதிகாரிகளும் ஆலோசனை மேற்கொண்டனர். இருப்பினும் விசாரணையில் எந்த முன்னேற்றமும் ஏற்பட்டதற்கான அறிகுறிகள் தென்படவில்லை. இந்நிலையில் சம்மந்தப்பட்ட மருத்துவமனையை அதிகாரிகள் கண்டுபிடித்துள்ளனர்.
மேலும் வாடகைத் தாயாக உதவிய பெண் யார் என்று தெரியவந்துள்ளது. கேரளாவை சேர்ந்த அப்பெண் நயன்தாராவுக்கு உறவினர் என கூறப்படுகிறது. துபாயில் நயன்தாரா முதலீடு செய்திருக்கும் சில தொழில்களை அப்பெண் தான் கவனித்து வருகிறாராம். அந்த நெருக்கமான தொடர்பின் வாயிலாகவே வாடகைத்தாயாக சம்மதித்ததாக கூறப்படுகிறது. துபாய் பெண்தானே, இதனால் இந்திய சட்டத்தால் நடவடிக்கை மேற்கொள்ள சாத்தியமில்லை என தகவல்கள் வெளியாகிறது. இருந்தாலும் துபாயில் வாடகைத்தாய் குழந்தைக்கு அனுமதிகிடையாது. அந்நாட்டு சட்டப்படி வாடகைத்தாய் என்பது தடைசெய்யப்பட்டுள்ளது.
அத்துடன் அவ்வாறு செயல்படுவது கிரிமினல் குற்றமாக கருதப்படும். ஆகவே வாடகைத் தாயாக அந்நாட்டில் செயல்பட்டு இருந்தாலும் அப்பெண்ணுக்கும், சிகிச்சையளித்த ஆஸ்பத்திரிக்கும் சிக்கல் தான். இந்நிலையில் அதிகாரிகள் இதுவரையிலும் விசாரணையில் தீவிரம் காட்டவில்லை. இது தொடர்பாக அதிகாரிகள் தரப்பில் கூறியதாவது, செலிபிரிட்டியாக உள்ளதால் விசாரணை கொஞ்சம் தாமதமாவது உண்மை தான். எனினும் விசாரிப்போம் என்று கூறினர். இந்த நிலையில் விதிமுறைகளை மீறியதாக நயன்தாரா-விக்னேஷ்சிவன் மீது புகார் கொடுக்கப்பட்டு இருக்கிறது. தம்பதிகள் மீது நடவடிக்கை மேற்கொள்ள கோரி போலீஸ் கமிஷனர் அலுவலகத்தில் வழக்கறிஞர் புகார் கொடுத்திருக்கிறார். இளைஞர்கள் மற்றும் சமூகத்திற்கு தவறான முன் உதாரணமாக இவர்கள் உள்ளதாகவும் குற்றம்சாட்டியுள்ளார்.