கம்யூனிஸ்ட் கட்சியின் மூத்த தலைவர் நல்லகண்ணுவின் 98-வது பிறந்த நாளை ஒட்டி முதல்வர் ஸ்டாலின் நேரில் வாழ்த்து தெரிவித்துள்ளார். சென்னை தி.நகரில் நல்லகண்ணுவை நேரில் சந்தித்து முதலமைச்சர் மு.க ஸ்டாலின் பிறந்தநாள் வாழ்த்து கூறினார். மேலும் அமைச்சர்கள் ஏ.வ.வேலு, பொன்முடி, இந்திய கம்யூனிஸ்ட் கட்சியின் மாநில செயலாளர் இரா.முத்தரசன் மற்றும் மதிமுக பொதுச்செயலாளர் வைகோ உள்ளிட்டோரும் நல்ல கண்ணுவிற்கு நேரில் பிறந்தநாள் வாழ்த்து தெரிவித்தனர்.
கம்யூனிஸ்ட் கட்சியின் மூத்த தலைவர் நல்லகண்ணுவிற்கு பிறந்த நாள் வாழ்த்து சொன்னபின் முதல்வர் ஸ்டாலின் பேசியதாவது, இனிய நிகழ்ச்சியில் பங்கேற்று நல்லகண்ணு ஐயாவை வாழ்த்தி வணங்குவதில் பெருமைப்படுகிறேன்.
நல்லகண்ணு ஐயா அவர்கள் எப்போதும் எங்களை வழிநடத்த வேண்டும். தகை சால் தமிழர் விருது நல்ல கண்ணு சங்கரய்யாவுக்கு வழங்கப்பட்டதன் மூலம் அந்த விருது பெருமை பெற்றுள்ளது. பாசிச ஆட்சிக்கு முடிவு கட்டுவதற்கு நாம் எடுத்துள்ள முயற்சிக்கு மூத்த தலைவர் நல்ல கண்ணு வழிகாட்டியாக திகழ்கிறார்” என்று கூறினார்.