மர்ம கும்பலை சேர்ந்தவர்கள் காவலாளியை அடித்து கொலை செய்த சம்பவம் பரபரப்பை ஏற்படுத்தியுள்ளது.
மதுரை மாவட்டத்திலுள்ள சக்கிமங்கலம் கிராமத்தில் கண்ணன் என்பவர் வசித்து வந்துள்ளார். இவர் அப்பகுதியில் இருக்கும் ஏ.கே நகர் ரியல் எஸ்டேட் இடத்தில் காவலாளியாக பணிபுரிந்து வந்துள்ளார். இந்நிலையில் பணியில் ஈடுபட்டு கொண்டிருந்த கண்ணனை மர்ம கும்பலை சேர்ந்தவர்கள் சரமாரியாக தாக்கி கொலை செய்து விட்டு அங்கிருந்து தப்பி ஓடினர்.
இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று கண்ணனின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். இதுகுறித்து வழக்குப்பதிவு செய்த காவல்துறையினர் கண்ணனை அடித்து கொலை செய்த மர்ம நபர்களை வலைவீசி தேடி வருகின்றனர்.