நவம்பர் 1-ஆம் தேதி முதல் ரயில்களில் மீண்டும் முன்பதிவு இன்று பயணிக்கலாம் என்று தெற்கு ரயில்வே அறிவித்துள்ளது. தமிழகத்தில் கொரோனா ஊரடங்கு காரணமாக போக்குவரத்து சேவை ரத்து செய்யப்பட்டது. அதன்பிறகு கொரோனா பாதிப்பு கணிசமாக குறைந்து வந்த நிலையில் குறிப்பிட்ட அளவிலான ரயில்கள் மட்டுமே இயக்கப்பட்டன. அதிலும் முன்பதிவு கட்டாயம் என்று அறிவிக்கப்பட்டது. அதன்படி முன்பதிவு செய்து பயணிகள் அனைவரும் ரயில்களில் பயணம் செய்து வந்தனர்.
தற்போது கொரோனா பாதிப்பு படிப்படியாகக் குறைந்து வருவதால் பல்வேறு தளர்வுகளை அரசு அறிவித்து வருகிறது. அதன்படி நவம்பர் 1ம் தேதி முதல் ரயில்களில் மீண்டும் முன்பதிவு இன்றி பயணிக்கலாம் என்று தெற்கு ரயில்வே அறிவித்துள்ளது. நவம்பர் 1 முதல் இருபத்தி மூன்று ரயில்களில் முன்பதிவு இல்லாத இரண்டாம் வகுப்பு ரயில் பெட்டிகள் சேர்க்கப்படும் என்றும் அறிவிப்பு வெளியாகியுள்ளது. இது ரயில் பயணிகள் மத்தியில் மகிழ்ச்சி தரும் செய்தியாக அமைந்துள்ளது.