வாட்ஸ்அப் நிறுவனம் குறிப்பிட்ட மாடல் ஆன்ட்ராய்டு மற்றும் ஐபோன் மாடல்களுக்கு வாட்ஸ்அப் சேவையை நிறுத்தப்போவதாக அறிவித்துள்ளது. தங்களின் பயனர்களுக்கு தொழில்நுட்பத்தை வழங்கும் முயற்சியில் வாட்ஸ்அப் நிறுவனம் இயங்கி வரும் நிலையில் பழைய வெர்ஷன் மொபைல் பயன்படுத்துபவர்களுக்கு இந்த அப்டேட் எதுவும் பயன்படாது. எனவே பழைய மொபைல் போன்களுக்கு தனது சேவையை வழங்குவதை நிறுத்தி வருகிறது வாட்ஸ்அப் நிறுவனம்.
அதனைத் தொடர்ந்து இந்த ஆண்டில் நவம்பர் 1ஆம் தேதி முதல் ஆண்ட்ராய்டு ஓஎஸ் 4.1 மற்றும் அதற்கு மேலுள்ள ஆண்ட்ராய்டு போன்களிலும், ஐஓஎஸ் 10 மற்றும் அதற்கு மேல் உள்ள ஓஎஸ்களில் மட்டுமே வாட்ஸ்அப் பயன்படுத்த முடியும். 4.0.3அல்லது அதை விடக் குறைவான இயங்குதளம் கொண்ட மொபைல் போன்களில் வாட்ஸ் அப் செயலி இயங்காது என அதிகாரபூர்வ அறிவிப்பு ஒன்றை வாட்ஸ்அப் நிறுவனம் வெளியிட்டுள்ளது. இது பயனர்கள் மத்தியில் பெரும் அதிர்ச்சியை ஏற்படுத்தியுள்ளது.