சட்டமன்ற தேர்தலை முன்னிட்டு வாக்காளர்களின் பாதுகாப்பை உறுதி செய்யும் வகையில் சிவகங்கை மானாமதுரையில் ராணுவ வீரர்கள் கொடி அணிவகுப்பு மேற்கொண்டனர்.
சட்டமன்ற தேர்தலை முன்னிட்டு அனைத்து மாவட்டங்களிலும் பாதுகாப்பு முன்னேற்பாடு தீவிரமாக நடைபெற்று வருகிறது. தேர்தல் நடத்தை விதிமுறைகள் அமலில் இருப்பதால் காவல் துறையினரும், பறக்கும் படை அதிகாரிகளும் தீவிர சோதனை மேற்கொண்டு வருகின்றனர். மேலும் மக்களுக்கு பாதுகாப்பு உணர்வை ஏற்படுத்தும் வகையில் ராணுவ வீரர்கள் அணிவகுப்பு மேற்கொண்டு வருகின்றனர்.
அந்த வகையில் சிவகங்கை மாவட்டத்திலுள்ள மானாமதுரையில் ராணுவ வீரர்கள் கொடி அணிவகுப்பு மேற்கொண்டனர். இந்த அணிவகுப்பிற்கு மானாமதுரை போலீஸ் சூப்பிரண்டு சுந்தரமாணிக்கம் தலைமை தாங்கியுள்ளார். இந்த கொடி அணிவகுப்பில் ராணுவ வீரர்கள் மானாமதுரையை சுற்றி வலம் வந்தனர்.