வடகொரியாவின் போர் விமானங்கள் தென்கொரிய எல்லைக்குள் அத்துமீறி நுழைந்துள்ளது.
வடகொரியா மற்றும் தென் கொரியா இடையே பல ஆண்டுகளாக எல்லை மோதல் பிரச்சனை நீடித்து வருகிறது. இதனால் வடகொரியா அச்சுறுத்தும் வகையில் தொடர்ந்து ஏவுகணை சோதனை நடத்தி வருகிறது. இந்நிலையில் வடகொரியாவின் ஆளில்லாத டிரோன் விமானங்கள் இன்று தென்கொரிய வான் எல்லைக்குள் அத்துமீறி நுழைந்துள்ளது. இதனை பார்த்து உஷாரான தென்கொரிய விமானப்படை போர் விமானங்கள், உளவு விமானங்கள், ஹெலிகாப்டர்கள் மூலம் விரைந்து சென்றனர்.
இதனையடுத்து வடகொரியா ஆளில்லாத விமானங்களை எச்சரிக்கும் வகையில் துப்பாக்கி சூடு நடத்தியுள்ளனர். மேலும் இதுகுறித்து தென்கொரிய முப்படை தளபதி கூறியதாவது, “எங்கள் எல்லைக்குள் நுழைந்த வடகொரியா விமானங்களுக்கு பதிலடி கொடுக்கப்பட்டது. இந்நிலையில் எல்லையை தாண்டி உள்ள அந்த விமானங்கள் எங்கள் நாட்டின் ராணுவ தளங்களை புகைப்படம் எடுக்க அனுப்பப்பட்டது” என அவர் கூறியுள்ளார்.