நாடு முழுவதும் இன்று முதல் 14ஆம் தேதி வரை கொரோனா தடுப்பூசி திருவிழா நடைபெறுகிறது.
சீனாவில் தோன்றிய வைரஸ் கடந்த ஆண்டு மார்ச் மாதம் உலக நாடுகள் முழுவதிலும் பரவத் தொடங்கியது. அதனால் தற்போது வரை ஏராளமான உயிரிழப்புகள் ஏற்பட்டுள்ளன. அதற்கு எதிரான தடுப்பூசி கண்டறியும் முயற்சியில் உலக நாடுகள் அனைத்தும் தீவிரம் காட்டி வந்த நிலையில், தற்போது தடுப்பூசி மக்கள் பயன்பாட்டுக்கு வந்துவிட்டது. ஆனால் சில நாடுகளில் கொரோனாவின் தாக்கம் இன்னும் குறையாமல் நாளுக்கு நாள் அதிகரித்துக் கொண்டே வருகிறது. அதுமட்டுமன்றி பெரும்பாலான நாடுகளில் கொரோனா இரண்டாவது பரவ தொடங்கியுள்ளது. அதனால் மீண்டும் ஊரடங்கு அமல் படுத்தப்படும் சூழல் உருவாகியுள்ளது. மேலும் உலக நாடுகள் அனைத்தும் தடுப்பூசி போடும் பணியை தீவிரப்படுத்தியுள்ளன.
இதனையடுத்து கொரோனா பரவலை கட்டுப்படுத்தும் விதமாக நாடு முழுவதும் இன்று முதல் ஏப்ரல் 14ஆம் தேதி வரை கொரோனா தடுப்பு ஊசி திருவிழா நடைபெறுகிறது. இந்த பணிகளில் இளைஞர்கள் தங்களை ஈடுபடுத்திக் கொள்ள வேண்டும் என்றும் முக கவசம் அணிவது உடன் பிறரையும் அணியும்படி தூண்ட வேண்டும் என்றும் பிரதமர் மோடி கூறியுள்ளார்.