தமிழ் சினிமாவில் குழந்தை நட்சத்திரமாக அறிமுகமான சிம்பு காதல் அழிவதில்லை என்ற திரைப்படத்தின் மூலம் ஹீரோவாக அறிமுகமானார். இவர் விண்ணைத்தாண்டி வருவாயா, அச்சம் என்பது மடமையடா படங்களை தொடர்ந்து கௌதம் மேனனுடன் 3-வது முறையாக இணைந்து வெந்து தணிந்தது காடு என்ற திரைப்படத்தில் நடித்துள்ளார். இந்த படத்தை வேல்ஸ் ஃபிலிம்ஸ் நிறுவனம் தயாரிக்க, ஏ.ஆர் ரகுமான் இசையமைத்துள்ளார். இந்த படம் நேற்று திரையரங்குகளில் ரிலீஸ் ஆகி நல்ல வரவேற்பை பெற்று வரும் நிலையில், படத்தின் ஹீரோயின் சித்தி இட்னானி ஒரு தனியார் யூடியூப் சேனலுக்கு பேட்டி கொடுத்துள்ளார்.
அப்போது சித்தியிடம் உங்களுடைய கற்பனை கதை ஏதாவது ஒன்றை கூறுங்கள் என்று கேட்டபோது, ஒரு சுவாரசியமான கதையை கூறியுள்ளார். அதாவது நானும் சிம்புவும் பள்ளிக்கூட காதலர்கள். எனக்கு அப்பாவாக ரஜினிகாந்தும், சிம்புவுக்கு அண்ணனாக நடிகர் உதயநிதி ஸ்டாலினும் இருக்க வேண்டும். இறுதியில் உதயநிதி ஸ்டாலினும் ரஜினிகாந்த்தும் இணைந்து எங்களுக்கு திருமணம் செய்து வைக்க வேண்டும் என்றார். மேலும் ரஜினிகாந்த் படத்தில் ஈ மாதிரியான ரோல் கிடைத்தாலும் நடிப்பேன் என்றும் கூறியுள்ளார்.