இயக்குனர் செல்வ ராகவன் இயக்கத்தில் நடிகர் தனுஷ் நடித்துவரும் படம் “நானே வருவேன்”. இத்திரைப்படத்தை வி கிரியேசன்ஸ் சார்பாக கலைப்புலி எஸ்.தாணு தயாரிக்கிறார். இப்படத்திற்கு இசையமைப்பாளர் யுவன் சங்கர்ராஜா இசையமைக்கிறார். தனுஷ் இரட்டைவேடத்தில் நடிக்கும் இப்படத்தில் கதாநாயகியாக இந்துஜா நடிக்கிறார். இந்துஜா ரவிச்சந்திரன், யோகி பாபு போன்றோர் முக்கிய வேடங்களில் நடித்து இருக்கின்றனர்.
அத்துடன் இந்த படத்தில் எல்லி அவுரம் என்ற ஸ்வீடன் நாட்டு நடிகை முக்கிய கதாப்பாத்திரத்தில் நடித்து உள்ளார். இத்திரைப்படத்தின் முதல் பாடல் நேற்று (07-09-2022) மாலை வெளியாகும் என படக்குழு அறிவித்திருந்தது. அந்த வகையில் இந்த படத்தின் முதல்பாடலின் லிரிக்ஸ் வீடியோ இப்போது வெளியாகியுள்ளது. இயக்குனர் செல்வராகவன் வரிகளில் யுவன் ஷங்கர் ராஜா பாடியுள்ள இந்த வீடியோ சமூகவலைதளத்தில் ட்ரெண்டாகி வருகிறது.