கேரள மாநிலத்தில் கடந்த மாதம் மூன்று இளம் பெண்கள் வரதட்சணை கொடுமை காரணமாக தற்கொலை செய்து கொண்ட சம்பவம் நாடு முழுவதும் பெரும் அதிர்வலைகளை ஏற்படுத்தியது. இதற்கு பல்வேறு தரப்பினரும் தங்களுடைய கண்டனத்தை தெரிவித்தனர். இதனையடுத்து கேரள மாநிலத்தைச் சேர்ந்த பல பெண்கள் தங்களுடைய வீட்டு வாசலில் வரதட்சணை கொடுக்க மாட்டோம் என்று பலகை வைத்தனர். ஒரு சிலர் சமூக வலைதளங்களிலும் தங்களுடைய கருத்துக்களை பதிவிட்டு வந்தனர்.
இந்நிலையில் கேரள மாநிலம் ஆலப்புழாவில் சேர்ந்தவர் சதீஷ். இவர் சுவாதி என்ற பெண்ணை திருமணம் செய்து கொண்டார். இந்நிலையில் திருமணம் முடிந்த கையுடன் இவர் தன்னுடைய மனைவிக்கு போடப்பட்டு இருந்த 50 பவுன் தங்க நகைகளை கழற்றி அவருடைய பெற்றோரிடம் ஒப்படைத்துவிட்டு தன்னுடைய மனைவியை கட்டிய தாலியுடன் மட்டும் அணிவித்து சதீஷ் அழைத்து சென்றுள்ளார். சதீஷின் இந்த செயலுக்கு பலரும் பாராட்டுகளை தெரிவித்து வருகின்றனர்.