மக்கள் நீதி மையம் கட்சியின் முன்னாள் துணை தலைவராக இருந்த மகேந்திரன் தனது ஆதரவாளர்களுடன் அண்ணா அறிவாலயத்தில் முதல்வரும், திமுக தலைவருமான மு.க ஸ்டாலின் முன்னிலையில் இணைந்தார். சட்டமன்ற தேர்தல் தோல்வியை அடுத்து மக்கள் நீதி மைய துணைத் தலைவர் உட்பட அனைத்துப் பொறுப்புகளிலிருந்தும் மகேந்திரன் விலகினார் என்பது குறிப்பிடத்தக்கது.
இந்நிலையில் தனது முதல் டுவீட்டை மகேந்திரன் பதிவிட்டுள்ளார். அதில், பெரியாரின் சுயமரியாதை சித்தாந்தங்களையும், அண்ணாவின் மாபெரும் தமிழ் கனவையும் தொடர்ந்து சுமந்து சென்ற சுயமரியாதை சூரியன் கலைஞர் அவர்களின் பாதையில், கழகத் தலைவரும் தமிழக முதல்வருமான ஸ்டாலின் அவர்களின் தலைமையில்… இனி பெருமையுடன் தொண்டனாக நானும்” என்று குறிப்பிட்டுள்ளார்.