நடிகை சம்யுக்தா ஹெக்டே மற்றும் அவரின் நண்பர்களை தவறாகப் பேசியதற்கு காங்கிரஸ் கட்சியை சேர்ந்த கவிதா ரெட்டி மன்னிப்பு கேட்டுள்ளார்.
தமிழில் நடிகர் ஜெயம்ரவி நடிப்பில் கோமாளி என்ற படம் சில நாட்களுக்கு முன் வெளியாகியது. அந்த படத்தில் நடிகை சம்யுக்தா முக்கிய கதாபாத்திரத்தில் நடித்துள்ளார். அவர் கடந்த சனிக்கிழமை அன்று தனது நண்பர்களுடன் பெங்களூரு அகரா ஏரியில் உள்ள பூங்காவில் உடற்பயிற்சி செய்து கொண்டிருந்தார். அப்போது அவரையும் அவருடன் இருந்தவர்களையும் சில முறையான ஆடை அணியாமல் இருப்பதாக கூறி தாக்கியுள்ளனர்.
அதன் பிறகு இந்த சம்பவம் பற்றி சம்யுக்தா காங்கிரஸ் கட்சியை சேர்ந்த கவிதா ரெட்டி என்பவர் மீது காவல் நிலையத்தில் புகார் அளித்துள்ளார். இதனைத் தொடர்ந்து கவிதா ரெட்டி, அவருடைய டுவிட்டர் பக்கத்தில் நடந்த சம்பவத்திற்கு மன்னிப்பு கோரி, தான் ஆக்ரோஷமாக நடந்து கொண்டது தவறு என்று கூறியுள்ளார். இதுபற்றி அவர் வெளியிட்டுள்ள டுவிட்டர் பதிவில், ” ஒரு பொறுப்புள்ள குடிமக்கள் மற்றும் ஒரு முற்போக்கான பெண் என்ற வகையில், சம்யுக்தா மற்றும் அவரின் நண்பர்களிடம் நான் மன்னிப்பு கேட்டுக்கொள்கிறேன்” என்று அவர் கூறியுள்ளார்.