நாமக்கல் சட்டமன்ற தொகுதியில் அதிமுக 6 முறையும், திமுக மற்றும் காங்கிரஸ் கட்சிகள் தலா 4 முறையும் வெற்றி பெற்றுள்ளன. இந்திய கம்யூனிஸ்ட் கட்சி ஒரு முறை வெற்றி பெற்றுள்ளது. தற்போதய எம்எல்ஏ அதிமுகவின் கே.பி.பி. பாஸ்கர். நாமக்கல் தொகுதியில் மொத்த வாக்காளர்கள் எண்ணிக்கை 2,57,048 ஆகும். முட்டை அதிகளவில் உற்பத்தி செய்யப்படும் நாமக்கலில் கோழிப் பண்ணைகளுக்கு என தனி நலவாரியம் அமைக்க வேண்டும் என்பது முக்கிய கோரிக்கையாக உள்ளது.
முட்டைகளைப் பாதுகாக்க குளிர்பதன கிடங்கு அமைக்க வேண்டும் என்றும் அவர்கள் வலியுறுத்துகின்றனர். லாரி பாடி பில்டிங் தொழில் அதிகளவில் நடைபெறுவதால் தனி நல வாரியம் வேண்டும் என லாரி தொழில் செய்வோரும் கோருகின்றனர். லாரிகள் நிறுத்த தனி இடம் ஒதுக்க வேண்டும் என்ற கோரிக்கையும் உள்ளது. போக்குவரத்து நெரிசலை குறைக்க சுற்றுவட்டார சாலை அமைக்க வேண்டும் என்ற எதிர்பார்ப்பும் உள்ளது. புறநகர் பேருந்து நிலையம் அமைக்க வேண்டும் என்றும் வேண்டுகோள் விடுத்துள்ளனர்.