கடலூர் மாவட்டத்தில் உள்ள பாலூர் பகுதியில் சம்பத் என்பவர் புதிதாக வீடு கட்டி வருகிறார். அதற்காக தோண்டப்பட்ட பள்ளத்தில் ஒரு நாய் 3 குட்டிகளை பாதுகாப்பாக வைத்து விட்டு சென்றது. இந்நிலையில் அந்த இடத்திற்கு வந்த நல்ல பாம்பு யாரையும் குட்டிகளிடம் நெருங்க விடாமல் அவற்றை பாதுகாத்து நின்றது. இதனையடுத்து அங்கு வந்த தாய் நாய் பாம்பு இருப்பதை பார்த்து குட்டிகளை பாதுகாக்க வேகமாக சென்றது.
ஆனாலும் நல்ல பாம்பு தாய் நாயையும் குட்டிகளிடம் விடாமல் இருந்ததால் தாய் நாய் தொடர்ந்து குரைத்துக் கொண்டே இருந்தது. நீண்ட நேரமாக நாய் குட்டிகளை நல்ல பாம்பு பாதுகாத்து கொண்டிருந்ததை பலர் ஆச்சரியத்துடன் பார்த்து சென்றனர். இதுகுறித்து அறிந்த கடலூர் வன அலுவலர் செல்லார் சம்பவ இடத்திற்கு சென்று நல்ல பாம்பை பிடித்து வனப்பகுதியில் பாதுகாப்பாக விட்டார். இந்த சம்பவம் அப்பகுதியில் பரபரப்பை ஏற்படுத்தியுள்ளது.