ஏஜிஎஸ் நிறுவனம் தயாரிப்பில் சதீஷ் நடிக்கும் படத்தின் பர்ஸ்ட் லுக் போஸ்டர் டைட்டிலுடன் வெளியாகியுள்ளது.
தமிழ் திரையுலகில் முன்னணி காமெடி நடிகராக வலம் வருபவர் சதீஷ். தற்போது இவர் ஏ.ஜி.எஸ் நிறுவனம் தயாரிக்கும் புதிய படத்தில் கதாநாயகனாக நடித்துள்ளார். கிஷோர் ராஜ்குமார் இயக்கியுள்ள இந்த படத்தில் குக் வித் கோமாளி பிரபலம் பவித்ர லட்சுமி கதாநாயகியாக நடித்துள்ளார். இந்த படத்திற்கு அஜீஸ் அசோக் இசையமைத்துள்ளார். மேலும் இந்த படத்திற்கு நாய் சேகர் என டைட்டில் வைக்கப்பட்டுள்ளதாக கூறப்பட்டது. ஆனால் சுராஜ் இயக்கத்தில் வடிவேலு நடிக்கும் புதிய படத்திற்கும் நாய் சேகர் என டைட்டில் வைக்க படக்குழு திட்டமிட்டிருந்தது .
வடிவேலு சாரின் ரசிகனாக இந்த முதல் பார்வையை வெளியிடுவதில் மகிழ்ச்சி🙏@actorsathish உங்கள் பொறுப்பு அதிகமாகிவிட்டது சிறப்பாக செய்யுங்கள்,படம் மாபெரும் வெற்றி அடைய வாழ்த்துகள்😊Best wishes to @archanakalpathi @itspavitralaksh dir @KishoreRajkumar &entire team for a great success👍😊 pic.twitter.com/4ScNWKsxxG
— Sivakarthikeyan (@Siva_Kartikeyan) September 16, 2021
இந்நிலையில் சதீஷ் நடிக்கும் படத்திற்கு ‘நாய் சேகர்’ என டைட்டில் வைக்கப்பட்டுள்ளதாக அதிகாரப்பூர்வமாக அறிவிக்கப்பட்டுள்ளது. மேலும் இந்த படத்தின் பர்ஸ்ட் லுக் போஸ்டரை சிவகார்த்திகேயன் டுவிட்டரில் வெளியிட்டுள்ளார். தற்போது சதீஷ் படத்திற்கு நாய் சேகர் டைட்டில் கிடைத்துவிட்டதால் வடிவேலு படத்திற்கு வேறு டைட்டில் வைக்க படக்குழுவினர் ஆலோசித்து வருகின்றனர்.