GBP 16 Million (இந்திய மதிப்பில் 153 கோடி ரூபாய்)-க்கு, பிரிட்டனைச் சேர்ந்த நார்டன் மோட்டார் சைக்கிள்ஸ் நிறுவனத்தை வாங்கியிருக்கிறது டிவிஎஸ். வெளிநாடுகளில் இருக்கும் தனது துணைநிறுவனங்களின் உதவியுடன், இதை டிவிஎஸ் நிறுவனம் சாத்தியப்படுத்தியிருக்கிறது. பைக் ஆர்வலர்கள் மத்தியில் புகழ்பெற்ற ஒரு நிறுவனத்தைக் கையகப்படுத்தி இருப்பதால், உலக பைக் சந்தைகளில் கால்பதிக்க எங்களுக்கு ஒரு வாய்ப்பு கிடைத்திருக்கிறது.
சர்வதேச பைக் சந்தைகளில் நார்டனின் வரலாற்றுப் பெருமையைக் காக்கும் விதமாக, அவர்களுக்குத் தேவையான முழு ஒத்துழைப்பையும் அளிக்கத் தயாராக இருக்கிறோம்’ என்றார், டிவிஎஸ் நிறுவனத்தின்இணை நிர்வாக இயக்குநரான சுதர்சன் வேணு. இந்நிலையில் எலக்ட்ரிக் வாகனங்கள், உலக தரத்திலான டெக்னாலஜி கொண்ட வாகனங்கள் என பல அப்டேட்களுக்காக இந்த முதலீட்டை மேற்கொள்வதாக டிவிஎஸ் நிறுவனம் அறிவித்துள்ளது. டிவிஎஸ் மோட்டார் இந்தியாவின் மூன்றாவது மிகப் பெரிய மோட்டார் சைக்கிள் தயாரிப்பு நிறுவனமாகும்.