பிரான்சில் நாளை நள்ளிரவிலிருந்து குறிப்பிட்ட 7 நாடுகளிலிருந்து வரும் மக்கள் கட்டாயமாக தனிமைப்படுத்தப்படுவார்கள் என்று தெரிவிக்கப்பட்டுள்ளது.
தற்போது ஐரோப்பிய நாடுகளில் கொரோனா தொற்று படிப்படியாக குறையத் தொடங்கியுள்ளது. பிரான்ஸ் கொரோனாவால் அதிகமான விளைவுகளை சந்தித்து விட்டதால் தற்போது மிகுந்த கவனமுடன் பொதுமுடக்கம் மற்றும் தடுப்பூசி திட்டம் போன்ற நடவடிக்கைகளை தீவிரமாக கையாண்டுவருகிறது.
பிரான்சில் வெளி இடங்களில் கட்டாயம் முகக்கவசம் அணிவது மற்றும் கொரோனா விதிமுறைகளை மீறுபவர்களுக்கு கடுமையான தண்டனை ஆகியவற்றை நடைமுறையில் கொண்டு வந்துள்ளது. இந்நிலையில் தற்போது ஒரு புதிய விதிமுறையை நாளை நள்ளிரவிலிருந்து நடைமுறைக்கு கொண்டு வரப்போவதாக தெரிவித்துள்ளது.
அதன் படி, இந்தியா, இலங்கை, பிரேசில், கத்தார், ஐக்கிய அரபு அமீரகம், வங்கதேசம், துருக்கி, நேபாளம் மற்றும் பாகிஸ்தான் ஆகிய நாடுகளிலிருந்து வரும் மக்கள் கட்டாயமாக 10 நாட்களுக்கு தனிமைப்படுத்தப்படுவார்கள் என்றும் அதனை மீறும் பட்சத்தில் அவர்களுக்கு கடுமையான தண்டனை விதிக்கப்படும் என்று எச்சரிக்கை விடுக்கப்பட்டுள்ளது.