நாளை முதல் கும்பக்கரை அருவியில் குளிக்க சுற்றுலா பயணிகளுக்கு அனுமதி வழங்கப்பட்டுள்ளது.
நாடு முழுவதும் கொரோனா பரவல் காரணமாக ஊரடங்கு அமல்படுத்தப்பட்டது. இதையடுத்து தமிழகத்தில் அனைத்து பொது இடங்களும் மூடப்பட்டன. பின்னர் கொரோனா பரவல் சற்று குறைந்ததையடுத்து படிப்படியாக ஊரடங்கில் தளர்வு அளிக்கப்பட்டு வருகின்றது. இந்நிலையில் தேனி மாவட்டம் பெரியகுளம் அருகே உள்ள கும்பக்கரை அருவியில் குளிக்க சுற்றுலா பயணிகளுக்கு நாளைமுதல் அனுமதி அளிக்கப்பட்டுள்ளது.
சுற்றுலா பயணிகளுக்கு கொரோனா காரணமாக தடை விதிக்கப்பட்டிருந்த நிலையில் தற்போது தமிழகத்தில் சுற்றுலா தலங்களுக்கு மக்கள் செல்ல அனுமதிக்கப்பட்டது. இதையடுத்து கும்பக்கரை அருவியில் குளிக்க அனுமதி வழங்கப்பட்டுள்ளது. மேலும் சுற்றுலா பயணிகள் கட்டாயம் முக கவசம் அணிந்து, சமூக இடைவெளியை கடைபிடிக்கவும் அறிவுறுத்தப்பட்டுள்ளது.