நடிகை நயன்தாரா விக்னேஷ் சிவனுடன் இருக்கும் புகைப்படம் வெளியாகியுள்ளது.
தமிழ் திரையுலகில் லேடி சூப்பர் ஸ்டாராக வலம் வரும் நடிகை நயன்தாராவும் இயக்குனர் விக்னேஷ் சிவனும் கடந்த சில வருடங்களாக காதலித்து வருகின்றனர். இருவருக்குமிடையே ‘நானும் ரவுடிதான்’ படத்தின் படப்பிடிப்பின்போது காதல் மலர்ந்தது. விரைவில் இவர்கள் திருமணம் செய்து கொள்வார்கள் என்றும் எதிர்பார்க்கப்படுகிறது. இதையடுத்து விக்னேஷ் சிவன் இயக்கத்தில் நடிகர் விஜய்சேதுபதி நடிகைகள் நயன்தாரா ,சமந்தா ஆகியோர் நடிப்பில் ‘காத்துவாக்குல ரெண்டு காதல்’ படம் தயாராகிறது. தற்போது நடிகை நயன்தாரா ஹைதராபாத்தில் நடைபெற்று வரும் அண்ணாத்த படப்பிடிப்புக்காக சென்றிருந்தார்.
நேற்று இந்தப் படப்பிடிப்பில் வேலை பார்த்த 8 பேருக்கு கொரோனா உறுதி செய்யப்பட்டு படப்பிடிப்பு தற்காலிகமாக நிறுத்தி வைக்கப்பட்டிருந்தது. இதனால் நடிகை நயன்தாரா இயக்குனர் விக்னேஷ் சிவன் இயக்கத்தில் தயாராகும் ‘காத்துவாக்குல ரெண்டு காதல்’ படக்குழுவுடன் இணைந்து ஹோட்டலில் சாப்பிடும் போது எடுத்துக்கொண்ட புகைப்படங்கள் வெளியாகியுள்ளது. அதில் நயன்தாரா, விஜய் சேதுபதி, விக்னேஷ் சிவன் உட்பட பலர் உள்ளனர்.