தடுப்பு சுவர் மீது மோட்டார் சைக்கிள் மோதிய விபத்தில் வாலிபர் உயிரிழந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்தில் அமைத்துள்ள மம்சாபுரம் கிராமத்தில் பொன்னுசாமி வசித்து வந்துள்ளார். இவர் தனது நண்பர்களான இசக்கி ராஜா, முருகனுடன் சேர்ந்து தளவாய்புரம் அருகே மோட்டார் சைக்கிளில் வந்து கொண்டிருந்தனர். அப்போது திடீரென நிலைதடுமாறிய மோட்டார் சைக்கிள் சாலையோரம் உள்ள தடுப்பு சுவர் மீது மோதி உள்ளது.
இந்த விபத்தில் படுகாயமடைந்த பொன்னுசாமி, இசக்கி ராஜா, முருகன் ஆகியோரை அருகில் இருந்தவர்கள் மீட்டு ராஜபாளையம் அரசு மருத்துவமனையில் சிகிச்சைக்காக அனுமதித்துள்ளனர். ஆனால் அங்கு அளிக்கப்பட்ட சிகிச்சை பலனின்றி பொன்னுசாமி பரிதாபமாக உயிரிழந்துவிட்டார். மேலும் முருகன், இசக்கி ராஜாவிற்கு மருத்துவமனையில் தீவிர சிகிச்சை அளிக்கப்பட்டு வருகிறது. இது குறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.