மோட்டார் சைக்கிளில் இருந்து கீழே விழுந்த விபத்தில் பெண் உயிரிழந்த சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்திலுள்ள ராஜவல்லிபுரத்தில் நாகராஜன் என்பவர் வசித்து வருகிறார். இவருக்கு பேச்சியம்மாள் என்ற மனைவி இருந்துள்ளார். இந்நிலையில் பேச்சியம்மாள் தனது தந்தையுடன் மோட்டார் சைக்கிளில் வெளியே சென்றுள்ளார். அப்போது எதிர்பாராதவிதமாக பேச்சியம்மாள் மோட்டார் சைக்கிளில் இருந்து கீழே விழுந்து படுகாயமடைந்தார்.
இதனை பார்த்து அதிர்ச்சி அடைந்த அக்கம்பக்கத்தினர் உடனடியாக பேச்சியம்மாளை மீட்டு மருத்துவமனையில் சிகிச்சைக்காக அனுமதித்தனர். ஆனால் அங்கு அளிக்கப்பட்ட சிகிச்சை பலனின்றி பேச்சியம்மாள் பரிதாபமாக இறந்துவிட்டார். இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.