இயக்குனர் ராம் இயக்கத்தில் நடிகர் சூரி முக்கிய கதாபாத்திரத்தில், நடிகர் நிவின் பாலியுடன் இணைய உள்ளதாக தகவல்கள் வெளியானது.
கற்றது தமிழ் என்ற படத்தின் மூலம் 2007-ஆம் ஆண்டு இயக்குனராக அறிமுகமானவர் இயக்குனர் ராம். இவர் அதன் பிறகு இயக்கிய அனைத்து படங்களும் மக்களின் மனதை கவர்ந்த படங்கள். இதைத்தொடர்ந்து இயக்குனர் ராம், வி ஹவ்ஸ் புரொடக்ஷன்ஸ் தயாரிக்கும் புதிய படம் ஒன்றை எடுத்து வருகிறார். அப்படத்தில் நடிகர் நிவின் பாலிக்கு ஜோடியாக நடிகை அஞ்சலி நடிக்க உள்ளார்.
இப்படத்திற்கு யுவன் சங்கர் ராஜா இசையமைக்கவுள்ளார். தற்போது முக்கிய கதாபாத்திரத்தில் நடிகர் சூரி நடிக்க உள்ளதாக தகவல்கள் வெளியானது. இதனை உறுதிப்படுத்தும் வகையில் அவர் தனது சமூக வலைதள பக்கத்தில் “இன்று இனியதொரு தொடக்கம். இயக்குனர் அண்ணன் ராம் மற்றும் பிரதர் நிவின் பாலியுடன் முதல்முறையாக ‘பயணிப்பதில்’ பெருமகிழ்ச்சி. அண்ணன் சுரேஷ் காமாட்சிக்கு நன்றி” என்று பதிவிட்டு அதனுடன் புகைப்படத்தையும் பகிர்ந்துள்ளார்.