டெல்லி முதல்வர் அரவிந்த் கெஜ்ரிவாலை போன்றே மத்திய பிரதேசத்தில் ஒருவர் இருப்பது சமூகவலைத்தளங்களில் வைரலாகி வருகிறது.
மத்திய பிரதேச மாநிலம் குவாலியர் பகுதியில் ஒரு சாட் கடை நடத்தி வருபவர் குப்தா. இவர் சாட், கச்சோடி, சமோசா, தயிர்வடை உள்ளிட்ட பலவகையான உணவுப் பொருட்களை அந்த கடையில் வைத்து விற்று வருகிறார். அந்த கடையில் வந்து சாப்பிடும் பலரும் அவரை ஒரு நிமிடம் உற்றுப் பார்த்துவிட்டு நீங்கள் அரவிந்த் கெஜ்ரிவால் போல் இருக்கிறீர்கள் என்று கூறுவார்கள். ஏனெனில் அவர் அணிந்திருக்கும் உடையும், அவர் போட்டிருக்கும் கண்ணாடியும் அப்படியே டெல்லி முதல்வர் அரவிந்த் கெஜ்ரிவாலை பிரதி எடுத்தது போல் இருக்கின்றது.
குளிர்காலங்களில் மஃப்ளர் ஒன்றை அவர் அணிந்தால் அப்படியே கெஜ்ரிவால் போல் தான் இருப்பார். ஒரு முறையாவது இவரை டெல்லி முதல்வர் அரவிந்த் கெஜ்ரிவால் நேரில் பார்க்க வேண்டும் என்று பலரும் கோரிக்கை விடுத்து வருகின்றனர். இது தொடர்பான வீடியோ யூடியூப்பில் பதிவேற்றம் செய்யப்பட்டு வைரலாகி வருகிறது.