மேட்டூர் அருகே உள்ள கூழியுரைச் சேர்ந்த தனுஷ் என்ற 19 வயது மாணவன் 12 ஆம் வகுப்பு பள்ளிப்படிப்பை 2019ஆம் வருடம் முடித்த நிலையில் இரண்டு முறை நீட் தேர்வை எழுதிய இரண்டு முறையும் அவர் தோல்வியடைந்த நிலையில் தற்போது மூன்றாவது முறையாக நேற்று நீட் தேர்வு எழுத இருந்தார். இருப்பினும் இந்த முறையும் தோல்வி அடைந்து விடுவோமோ என்ற பயத்தின் காரணமாக தூக்கிட்டு தற்கொலை செய்து கொண்டார். இது தமிழகம் முழுவதும் பெரும் அதிர்ச்சியை ஏற்படுத்தி உள்ளது.
இதையடுத்து தனுஷின் மறைவிற்கு அரசியல் கட்சியினர் உள்ளிட்ட பலரும் தங்களுடைய இரங்கலை தெரிவித்து வருகின்றனர். அந்த வகையில் தேமுதிக தலைவர் விஜயகாந்த், நீட் தேர்வு பயத்தால் மேட்டூர் அருகே மாணவர் தனுஷ் தற்கொலை செய்தார் என்பதை அறிந்து வேதனை அடைந்தேன். நீட் தேர்வை அரசியலாக பார்க்காமல் மாணவர்களின் உயிரையும், எதிர்காலத்தையும் கருத்தில் கொண்டு ஆளும் கட்சியினரும், எதிர்க்கட்சியினரும் நிரந்தர தீர்வு காண வேண்டும் என்று வலியுறுத்தியுள்ளார்.