மருத்துவ படிப்புகளில் மாணவர்கள் சேருவதற்கு அகில இந்திய அளவில் நீட் எனப்படும் தேசிய தகுதித் தேர்வு ஒவ்வொரு வருடமும் நடத்தப்பட்டு வருகிறது. அவ்வகையில் இந்த வருடத்திற்கான நீட்தேர்வு வருகின்ற ஜூலை 17ஆம் தேதி நடைபெற உள்ளது. அதற்கு விண்ணப்பிப்பதற்கான கால அவகாசம் கடந்த மே 20ம் தேதியுடன் முடிவடைந்தது.
இந்நிலையில் நீட் மருத்துவ நுழைவு தேர்வு திட்டமிட்டபடி ஜூலை 17ஆம் தேதி நடைபெறும் என்று தேசிய தேர்வு முகமை அறிவித்துள்ளது. ஒரே தேதியில் பல தேர்வுகள் நடப்பதால் நீட்தேர்வு ஒத்தி வைக்க கோரிக்கை எழுந்த நிலையில் நீட் தேர்வு எந்த காரணத்தை கொண்டும் தள்ளிவைக்க முடியாது என்று தேசிய தேர்வு முகமை விளக்கம் அளித்துள்ளது. மேலும் ஜூலை 15-இல் CUET – UG தேர்வு, ஜூலை 21ல் JEE மெயின் தேர்வு திட்டமிட்டபடி நடைபெறும் என்று தெரிவித்துள்ளது.