இளங்கலை மருத்துவப் படிப்புக்கான நீட் தேர்வு, செப்டம்பர் மாதம் 12ஆம் தேதி நடைபெறவுள்ளது. இந்தத் தேர்வுக்கு விண்ணப்பங்களை சமர்ப்பிப்பதற்கான கால அவகாசம் ஆகஸ்ட் 10ஆம் தேதியோடு முடிவுக்குவந்தது. இந்தநிலையில் தேசிய தேர்வு முகமை, நீட் தேர்வு மையங்களின் பட்டியலை வெளியிட்டுள்ளது.
மாணவர்கள் neet.nta.nic.in என்ற இணைய முகவரியில் சென்று View Advanced Information For Allottement of Centre City என்பதை க்ளிக் செய்து நீட் தேர்வு விண்ணப்ப எண் (application no), பிறந்த தேதி, கடவுச்சொல் (password) ஆகியவற்றை உள்ளிட்டு தேர்வு மையத்தை அறியலாம். நீட் தேர்வுக்கான அனுமதிச் சீட்டு விரைவில் வெளியிடப்படும் என அறிவிக்கப்பட்டுள்ளது.