சடலமாக கிடந்த ஆசிரியரின் சடலத்தை காவல்துறையினர் கைப்பற்றியுள்ளனர்.
நீலகிரி மாவட்டத்தில் உள்ள காட்டேரி பகுதியில் ஆசிரியரான ரஞ்சித் என்பவர் வசித்து வந்துள்ளார். இவருக்கு ரம்யா என்ற மனைவியும், பிரதிக்க்ஷா என்ற மகளும் உள்ளார். இந்நிலையில் ரஞ்சித் கடந்த 21-ஆம் தேதி கோவைக்கு சென்று விட்டு வருவதாக கூறிவிட்டு சென்றுள்ளார். ஆனால் நீண்ட நேரமாகியும் வீடு திரும்பவில்லை. இதனால் அதிர்ச்சி அடைந்த அவரது குடும்பத்தினர் ரஞ்சித்தை பல இடங்களில் தேடியும் அவர் கிடைக்கவில்லை. இந்நிலையில் மேட்டுப்பாளையம்-ஊட்டி சாலையில் நின்ற காரில் துர்நாற்றம் வீசியுள்ளது.
இதனை பார்த்து சந்தேகம் அடைந்த அப்பகுதி மக்கள் உடனடியாக காவல் துறையினருக்கு தகவல் தெரிவித்தனர். அந்த தகவலின் படி சம்பவ இடத்திற்கு விரைந்து சென்ற காவல்துறையினர் காரின் கதவை உடைத்து காரில் இறந்து கிடந்த ரஞ்சித்தின் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் ரஞ்சித்தை யாராவது கொலை செய்து விட்டார்களா? என்ற கோணத்தில் தீவிர விசாரணை மேற்கொண்டு வருகின்றனர்